Taktu til við að telja!
Sprellfjörugur leikur fyrir skólastofuna eða bara heima. Teldu með trommutaktinum, fylgdu leiðbeiningunum á myndskeiðinu. Hversu taktviss ertu!? Prófaðu...
Leiðbeiningar til kennara:
Varpið myndskeiðinu upp á skjávarpa eða stóran skjá.Stækkið myndina (neðst til hægri á myndskeiðinu) út í skjáinn.
ATHUGIÐ í flestum vöfrum er hægt að hægja og hraða á myndskeiðinu (tannhjólið lengst til hægri - neðst) Byrja hægt og hraða smám saman
Fáið nemendur til að standa upp og hreyfa sig, smá dill og dans er fyllilega í lagi! Þetta eru hrynæfingar í fjórum fjórðu. Fylgið myndbandinu og leiðbeiningunum. Þegar nemendur hafa náð færni má skipta út orðum fyrir hreyfingar eins og hopp, snúning eða annað sem hugarflugið kanna að koma upp með. Nemendur munu í leiðinni fá skilning og tilfinningu fyrir hvernig talið er í taktinn fjóra fjórðu.
Hentar öllum, byrjendum sem lengra komnir